Orientering om prosjektet i Kommunestyret
Torsdag 15. februar orienterte prosjektleiar Marte Kvisterø Krogstadmo om status og vegen vidare for Livsmeistring- robuste barn og unge for Kommunestyret i Sogndal.
Prosjektet har ei tidsramme på fem år og vi har sidan oppstart i 2020 kartlagt no-situasjonen i barnehagane og skulane med ulike medverknadsmetodar. Vi har involvert breitt og Vestlandsforsking har analysert datamaterialet for oss. Analysen danna eit godt grunnlag for tiltaksutviklinga.
Kartlegginga har resultert i tre tiltak:
Livsmeistring som eige fag på timeplan.
Livsmeistring som eige tema i barnehagen.
Eige plan for barnehage/skule- heim samarbeid.
Ei ressursgruppe med ungdom og 3 arbeidsgrupper er i gang med arbeidet.
Tiltaka som skal prøvast ut vil vere viktige bidrag inn i arbeidet med førebyggande plan for Luster- og Sogndal kommune.
