Ny i barnehagen

Å starte i barnehagen er ei stor endring for både barna og dykk foreldre. Det er den første store overgangen i barna sitt liv. Dei aller fleste barn i Noreg startar i barnehagen etter å ha tilbragt dei første månadane av livet heime med dykk. Frå å ha full merksemd retta berre mot seg, skal dei møte ein verd der dei må dele leiker, merksemd og trøst med fleire andre barn. Barnehagen skal i samarbeid med dykk legge til rette for at barnet kan få ein trygg og god start i barnehagen (Bufdir). På denne sida finn du informasjon om korleis de kan førebu dykk til barnehagestart, tilvenning og kvardagen i barnehagen.

tilvenning

Alle overgangar i livet er krevjande, fordi det handlar om å finne seg til rette i eit nytt miljø, fylle i ny rolle og etablere nye relasjonar. Samtidig kan overgangar kan gi nye moglegheiter for vekst og utvikling. Når små barn skal begynne i barnehagen er det viktig at det blir ein positiv erfaring for barnet. Her spelar de som foreldre ein veldig viktig rolle. I videoen får du konkrete og forskningsbaserte råd frå Barnehageforskar May Britt Drugli til korleis du best kan førebu og støtte barnet ditt før og under oppstarten i barnehagen. Til dømes korleis skape trygghet gjennom dagane med tilvenning, korleis etablere god kontakt med personalet, og korleis du bør støtte barnet den første tida for å dempe stress.

Foreldre og barnehagestart - slik hjelper du ettåringen din.
Videoen har undertekst på Engelsk, Somalisk, Arabisk, Litauisk, Polsk og Norsk.

Nokon råd om oppstart

  • Gjer dykk kjent med uteområde til barnehagen, dei tilsette og kanskje nokon bøker eller songar på førehand. Mange barnehagar tilbyr barn som skal starte å kome på besøk før ein startar for fullt. Det er ein fin moglegheit til å bli kejnt med tilsette, lokale og uteområde. Stikk innom uteområde når barnehagen er stengt og bli kjent.

  • Bruk tilvenningsdagane godt til å bli trygge i barnehagen - både barn og foreldre.

  • Ikkje legg så mange andre planar den første tida i barnehagen. Det er nok nytt å fordøye for dei små.

  • Barnet ditt kan vise nye sider av seg sjølv i barnehagen. Ver open for at nye omgivnadar kan gi ny læring.

  • Avskjeder kan vere tøffe - ikkje minst for foreldra. Men ved å la dei tilsette i barnehagen trøste barnet, vert barnets band og tillit til dei styrka.

  • Barnehagen sett pris på god og open dialog med heimen.

    Kjelde: bufdir.no/foreldrehverdag

barnehagekvardagen

Her finn de informasjon om kva kle som er lurt å ha i barnehagen. Informasjon finst på fleire språk. Du vel språk øvst på sida: