10. trinn

24. mai

Tema: økonomi og levevanar

Tema økonomi og levevanar skal bidra til å ruste elevane for framtida. Kunnskap om levevanar er viktig for å fremje velvære og sunne livsstilar blant barn og unge. Ved å lære grunnleggjande økonomiske prinsipp, som budsjettlegging, sparing og skilnaden mellom behov og ønskje, kan elevane bygge ei solid økonomisk forståing som vil vera til nytte gjennom heile livet deira.

Etter 10. trinn:
Elevane skal kunne forstå og forklare betydninga av søvn for fysisk og psykisk helse, samt identifisere faktorar som påverkar søvnkvaliteten, og reflektere over korleis gode søvnrutinar kan fremje trivsel og læring.

Naturfag
- I naturfag handlar det tverrfaglege temaet folkehelse og livsmeistring om å gi elevane kompetanse til å forstå sin eigen kropp og ta vare på sin eigen fysiske og psykiske helse. Elevane skal kunne forhalde seg kritiske til og bruke helserelatert informasjon til å ta gode og ansvarlege val knytte til helse, sikkerheit og miljø i både kvardags- og arbeidsliv
Samfunnsfag
- Faget skal bidra til at elevane kan gjere gode livsval og handtere utfordringar knytte til seksualitet, personleg økonomi, rus, utanforskap og digital samhandling
- Faget skal òg bidra til å skape forståing, respekt og toleranse for mangfald og andre sine verdiar og livsval, og gi perspektiv på kva eit godt liv kan vere
- Vurdere korleis arbeid, inntekt og forbruk kan påverke personleg økonomi, levestandard og livskvalitet
Mat og helse
- Faget skal bidra til å fremje folkehelsa og førebyggje livsstilssjukdommar. Det skal bidra til livsmeistring for den enkelte og til å redusere sosiale forskjellar i helse
Kroppsøving
- Elevane skal òg lære å forvalte helse som ressurs på ein måte som gagnar den enkelte, og lære å ta val som er gode for eiga og andre si helse gjennom livet
Matematikk
- Planleggje, utføre og presentere eit utforskande arbeid knytt til personleg økonomi
Mei info kjem..

«...»

Forslag til ulike økter

Under finn de forslag til undervisningsmateriell for 10. trinn. Øvingane er tilpassa alder og utviklingsnivå, samstundes veit me at det er store variasjonar innad i ei klasse, eller frå 10. klasse det eine året til 10. klasse eit anna år. Gjer difor dei justeringane du meiner er naudsynt for at oppgåvene skal passe klassa di.