1. trinn
Tema: verdiar og val
I undervisninga skal elevane snakke om det å vere modig. Kva betyr det å vere modig? Dei skal teikne seg sjølv i ein situasjon der dei var modige, snakke om ordet “enno” som eit verktøy for læring, lage modigsuppe og ha tenkestund. Dei skal snakke om å ta val som er gode og som kan vere dårlege, kvifor tek vi ulike val?, ha ei øving der elevane skal ta eit kjapt val, om vennskap og val og ha ulike aktivitetar knytt til natur og jorda som til dømes rollespel og teikneoppgåver.
-
Aktuelle kompetansemål etter 2. trinn
Samfunnsfag
Reflektere over kvifor menneske har ulike meiningar og tek ulike val.
Utforske og gi døme på korleis menneske påverkar klimaet og miljøet, og dokumentere korleis påverknadene kjem til syne i nærmiljøet
Norsk
Lytte, ta ordet etter tur og grunngje eigne meiningar i samtalar.
Beskrive og fortelje munnleg og skriftleg, mellom anna ved å bruke enkle samansette tekstar med bilete og uttrykksikon.
Naturfag
Samtale om korleis vi kan ta miljømedvitne val og gjennomføre lokale miljøtiltak.
Kroppsøving
Forstå og praktisere enkle reglar for samspel i ulike bevegelsesaktivitetar.
-
Skolen skal gi elevane moglegheit til å medverke og til å lære kva demokrati betyr i praksis. Skolen skal fremje demokratiske verdiar og haldningar som motvekt mot fordommar og diskriminering. Skolen skal òg skape respekt for at menneske er ulike, og at elevane skal lære å løyse konfliktar på ein fredeleg måte. Likeverd og likestilling er verdiar som er kjempa fram gjennom historia, og som framleis må takast vare på og styrkjast. Skolen skal formidle kunnskap og fremje haldningar som sikrar desse verdiane. Barn og unge skal handtere dagens og morgondagens utfordringar, og vår felles framtid er avhengig av at kommande generasjonar tek vare på kloden (Overordna del - verdiar og prinsipp for grunnopplæringa i læreplanverket.)
«...»
Forslag til ulike økter
Under finn de forslag til undervisningsmateriell for 1. trinn. Øvingane er tilpassa alder og utviklingsnivå, samstundes veit me at det er store variasjonar innad i ei klasse, eller frå 1. klasse det eine året til 1. klasse eit anna år. Gjer difor dei justeringane du meiner er naudsynt for at oppgåvene skal passe klassa di.
