Yoga

Yoga består av ulike mentale og kroppslege øvingar og teknikkar mellom anna fysiske øvingar, mindfulness (merksamt nærvær) og pusteteknikkar. Yoga handlar om å ta kontroll over eige mentale og fysiske liv og skapa ro, konsentrasjon og fokus. Forsking har vist at Yoga for barn kan føra til auka konsentrasjon og minne, betre sjølv-regulering, auka sjølvtillit, auka kjensle av velvære, emosjonell balanse og fysisk form (Hagen, I., & Nayar, U. S, 2014).

Under finn du pusteøvingar, avspenningsteknikkar og fysiske yoga økter. Øktene kan brukast for å trena på fokus og konsentrasjon, eller når barna har behov for å kopla heilt av og slappe av.

pusteøvingar

  • Varighet: 1-2 minutt

    Sitt med rett rygg eller ligg på bakken og lukk auga. Sjå for deg at du har ein ballong i magen som du blåser opp med nasen. Pust inn og blås ballongen opp. Når du pustar ut, slepp du lufta sakte ut av ballongen. Pust inn og fyll ballongen heilt opp. Kjenn at magen bevegar seg utover. Slipp så luften sakte ut. Når du pustar ut kjenn at kroppen synker ned mot underlaget og at kroppen slapper heilt av. (Kort pause, la dei puste ein eller to gongar til). Fyll opp ballongen ein siste gong. Så slepp du lufta sakte ut, og opnar auga dine.

    Ballongpust (lydfil)

  • Varigheit: 1-2 minutt

    Sitt med rett rygg. Lukk auga og hald langfingeren og peikefingeren i panna. Hald for høgre nasebore og pust inn med det venstre nasebore. Hald så for det venstre nasebore og pust ut gjennom det høgre nasebore. Gjer det gjerne saman med barna/elevane og sei "så held me for høgre nasebore og pustar inn med venstre, så held me for venstre nasebore og pustar ut med høgre." Hald på i 1-2minutt.

  • Varigheit: 1 minutt

    Sjå for deg at du held eit levande lys i den eine handa, og ein blome i den andre. Hald hendene framfor deg. Bruk eitt langt innpust til å langsamt lukte på blomen i den eine handa. Snu deg og blås ut lyset i den andre handa til du er tom for luft. Lukk auga og prøv å berre puste inn og ut gjennom nasen. Gjenta dette 3 gonger.

Avspenning

Henta frå pexels.com, Jan Krukov

  • Varigheit: 4-5 minutt

    I denne øvinga skal barna/elevane drive med visualisering. Ved å ha fokus på visualisering hjelper det barna/elevane til å vere her og no, og verkar avslappande. Det fører også til at ein styrkar dei kreative delane av hjernen og ein blir betre i kreativ tenking.

    Førebuing: Barna/elevane kan anten sitje på ein stol og kvila hovudet i hendene/ pulten, eller liggja på bakken- helst med litt avstand så dei ikkje klarer å røra nokon andre.

    Ein varm sommardag (lydfil)

    Ein varm sommardag (tekst) (ikkje komme endå)

  • Varighet: 3-4 minutt

    I denne øvinga skal barna visualisera lykkelandet sitt. Visualisering er eit godt verktøy som kan hjelpe barna til å vere her og no, og verkar avslappande. Det fører også til at ein styrkar dei kreative delane av hjernen og ein blir betre i kreativ tenking.

    Førebuing: Barna kan anten sitte i ei behageleg stilling eller ligge på bakken/golvet- helst med litt avstand så dei ikkje klarer å røra nokon andre.

    Lykkelandet ditt (lydfil)

    Lykkelandet ditt (tekst)

  • Varigheit: 4-5 minutt

    Kroppsskanning er ei øving der ein flytter fokuset sitt rundt til ulike delar av kroppen. Dette er ein god metode å bruke for å fokusere på “her og no”, og for å få hjernen og kroppen til å slappe av. Kroppsskanning kan føra til auka fokus og konsentrasjon og reduserer stress.

    Førebuing: Fungerer best viss ungane ligg på bakken/golvet, helst med litt plass så dei ikkje rører andre. Dei kan også sitte på ein stol med rett rygg eller med hovudet på pulten. Førebu ungane på at dei skal ligge/sitte stille i omlag 5 minutt.

    Kroppsskanning (lydfil)

    Kroppsskanning (tekst)

Fysiske yoga-økter