10. trinn

1. mars

Tema: kropp

I undervisninga får elevane reflektere kring korleis sosiale media påverkar sjølvbilde vårt, kjenne til verkemidlar som vert brukt i reklame for å nå ut til eit ungt publikum og tenke kritisk over kvar ein søke informasjon samt reflektere over korleis finne balanse i kor mykje ressurs ein legg i eiga kropp og helse. I tillegg får elevane lære om kosttilskot, kva risiko som følgjer med doping og korleis ta gode og trygge val for eiga helse.

Etter 10. trinn
Mål knytt til folkehelse og livsmeistring i overordna del av læreplan
- Gjennom video, refleksjonsoppgåver, diskusjonar og leik/aktivitet er målet med økta å bevisstgjere: «Verdival og betydninga av meining i livet, mellommenneskelege relasjonar, å kunne setje grenser og respektere andre sine, og å kunne handtere tankar, kjensler og relasjonar», knytt til Folkehelse og livsmeistring i overordna del av læreplan. Samt tenke kritisk over kvar ein søke informasjon, og reflektere over korleis finne balanse i kor mykje ressurs ein legg i eiga kropp og helse
Samfunnsfag
- vurdere på kva måtar ulike kjelder gir informasjon om eit samfunnsfagleg tema, og reflektere over korleis algoritmar, einsretta kjelder eller mangel på kjelder kan prege forståinga vår
- reflektere over korleis identitet, sjølvbilete og eigne grenser blir utvikla og utfordra i ulike fellesskap, og presentere forslag til korleis ein kan handtere påverknad og uønskte hendingar
- Reflektere over kva for aktørar som har makt i samfunnet i dag, og korleis desse grunngir standpunkta sine
- Utforske ulike plattformer for digital samhandling og reflektere over korleis digital deltaking og samhandling påverkar forma på og innhaldet i samfunnsdebatten
Norsk
- utforske og reflektere over korleis tekstar framstiller livssituasjonen til unge
- Gi døme på dagsaktuell forsking og drøfte korleis ny kunnskap blir generert gjennom
- samarbeid og kritisk tilnærming til eksisterande kunnskap
Kroppsøving
- reflektere over korleis ulike framstillingar av kropp i media og samfunnet påverkar bevegelsesaktivitet, kroppsidentitet og sjølvbilete
Høgt fokus på sjølvpresentasjon på sosiale media vert knytt til dårlegare psykisk helse. Ungdomsskuleelevar som fokuserer mykje på korleis dei framstår i sosiale media, har dårlegare psykisk helse og trivsel. Det viser ei studie frå FHI i samarbeid med Universitetet i Bergen. Samanhengane er spesielt sterke hjå jenter. Jenter med eit høgt fokus har omtrent to gonger så stor sjanse for å oppleve dårlegare psykisk velvere samanlikna med dei som har mindre fokus. Moglege tiltak bør rette seg mot bevisstgjering og auka kunnskap om korleis sosiale media på ulike måter kan påverke psykisk helse negativt, til dømes gjennom mekanismar som sjølvpresentasjon og sosial samanlinkning.
Les meir om studie her: https://www.fhi.no/nyheter/2025/hoyt-fokus-pa-selvpresentasjon-pa-sosiale-medier-knyttes-til-darligere-psykisk-helse/

«...»

Forslag til ulike økter

Under finn de forslag til undervisningsmateriell for 10. trinn. Øvingane er tilpassa alder og utviklingsnivå, samstundes veit me at det er store variasjonar innad i ei klasse, eller frå 10. klasse det eine året til 10. klasse eit anna år. Gjer difor dei justeringane du meiner er naudsynt for at oppgåvene skal passe klassa di.