4. trinn
Tema: verdiar og val
Elevane skal snakke og gjere ulike aktivitetar om kva det betyr å ta eit val, kva dei kan gjere når dei tek eit dårleg val, om dei nokon gong har gjort noko dei angra på, kva det betyr å vere modig, korleis vise mot i klasserommet, om magekjensle og om det å vere ein lagspelar. Tenkestund, kortstokkstafett, dilemma, påstandøvingar, case, kongen befalar og ulike teikneoppgåver er døme på aktivitetar i øktene.
-
Kompetansemål etter 4. trinn
KRLE
Setje seg inn i og formidle eigne og andre sine tankar, kjensler og erfaringar.
Samfunnsfag
Reflektere over kvifor menneske har ulike meiningar og tek ulike val.
Norsk
Beskrive, fortelje og argumentere munnleg og skriftleg og bruke språket på kreative måtar.
-
Skolen skal gi elevane moglegheit til å medverke og til å lære kva demokrati betyr i praksis. Skolen skal fremje demokratiske verdiar og haldningar som motvekt mot fordommar og diskriminering. Skolen skal òg skape respekt for at menneske er ulike, og at elevane skal lære å løyse konfliktar på ein fredeleg måte. Likeverd og likestilling er verdiar som er kjempa fram gjennom historia, og som framleis må takast vare på og styrkjast. Skolen skal formidle kunnskap og fremje haldningar som sikrar desse verdiane. Barn og unge skal handtere dagens og morgondagens utfordringar, og vår felles framtid er avhengig av at kommande generasjonar tek vare på kloden (Overordna del - verdiar og prinsipp for grunnopplæringa i læreplanverket.)
«...»
Forslag til ulike økter
Under finn de forslag til undervisningsmateriell for 4. trinn. Øvingane er tilpassa alder og utviklingsnivå, samstundes veit me at det er store variasjonar innad i ei klasse, eller frå 4. klasse det eine året til 4. klasse eit anna år. Gjer difor dei justeringane du meiner er naudsynt for at oppgåvene skal passe klassa di.
