7. trinn
Tema: verdiar og val
Elevane skal lære om kva verdiar er, reflektere over kva det betyr å gjere noko for andre og korleis verdiar kan hjelpe oss til å ta val som kjennes riktige. Korleis veit vi kva som er rett og gale? Dei skal ta stilling til ulike påstandar og diskutere: Er det enkelt å ta eigne val? Elevane får innsikt i kva likestilling og likeverd betyr. Kva trur de om likestilling i Noreg? Er det noko forskjell frå resten av verda? Kva er FNs berekraftsmål? Elevane skal reflektere rundt eigne haldningar og fordommar og snakke saman om korleis vi kan ta gode val for naturen og kva verdi naturen har for oss menneske? Kva skjer med naturen viss vi ikkje tek vare på han? og kva er naturmangfald?Elevane skal lage eiga verdiliste, ha yogaleik “krabben” og ulike påstandsaktivitetar.
-
Aktuelle kompetansemål etter 7. trinn
Samfunnsfag
Drøfte kva likeverd og likestilling har å seie for eit demokrati, og utvikle forslag til korleis ein kan motarbeide fordommar, rasisme og diskriminering
Samtale om menneske- og likeverd og samanlikne korleis menneskerettane er blitt og blir varetekne i ulike land
Reflektere over korleis kommersiell påverknad kan verke inn på forbruk, personleg økonomi og sjølvbilete
Utforske og presentere ei global utfordring ved berekraftig utvikling og kva for konsekvensar ho kan ha, og utvikle forslag til korleis ein kan vere med på å motverke utfordringa og korleis samarbeid mellom land kan bidra
Gi døme på kva lover, reglar og normer er og kva slags funksjon dei har i samfunn, og reflektere over konsekvensar av å bryte dei
Norsk
Lytte til og vidareutvikle innspel frå andre og grunngi eigne standpunkt i samtalar
KRLE
Utforske og beskrive eigne og andre sine perspektiv i etiske dilemma knytte til kvardags- og samfunnsutfordringar
Naturfag
Gjere greie for betydninga av biologisk mangfald og gjennomføre tiltak for å bevare det biologiske mangfaldet i nærmiljøet
Frå det tverrfaglege emne Demokrati og medborgarskap:
Opplæringa skal gi elevane forståing for samanhengen mellom demokrati og sentrale menneskerettar som ytringsfridom, stemmerett og organisasjonsfridom. Dei skal få innsikt i at demokratiet har ulike former og uttrykk.
-
Kvifor tema likestilling?
“Norske gutter er mer skeptisk til likestilling nå enn før”
Dei kan og mindre om demokrati og politikk enn andre unge i nabolanda våre, viser stor undersøking.
Norske 14-årige gutters støtte til likestilling har falt fra 78 % i 2016 til 61 % i 2022.
Norske ungdommer har mindre kunnskap om demokrati og politikk enn jevnaldrende i nabolandene våre.
Gutter uttrykker skepsis mot feminisme.
Studien peker på behovet for tiltak som styrker forståelsen av samfunnsstrukturer og demokratiske verdier.
Politikere og forskere understreker viktigheten av å lytte til ungdommens opplevelser og følelser for å forstå holdningsendringene.
Julie Haugen Egge (2025) Norske gutter er mer skeptisk til likestilling nå enn før.
Henta frå NRK: https://www.nrk.no/trondelag/gutter-i-niende-klasse-er-skeptiske-til-at-menn-og-kvinner-skal-ha-like-rettigheter-1.17453728
Overordna del i læreplanverket:
Skolen skal gi elevane moglegheit til å medverke og til å lære kva demokrati betyr i praksis. Skolen skal fremje demokratiske verdiar og haldningar som motvekt mot fordommar og diskriminering. Skolen skal òg skape respekt for at menneske er ulike, og at elevane skal lære å løyse konfliktar på ein fredeleg måte. Likeverd og likestilling er verdiar som er kjempa fram gjennom historia, og som framleis må takast vare på og styrkjast. Skolen skal formidle kunnskap og fremje haldningar som sikrar desse verdiane. Barn og unge skal handtere dagens og morgondagens utfordringar, og vår felles framtid er avhengig av at kommande generasjonar tek vare på kloden (Overordna del - verdiar og prinsipp for grunnopplæringa i læreplanverket.)
«Det norske fellesskapet er et skjold som beskytter de norske verdiene. Og fellesskapet er også vår bro til nye perspektiver, ideer og fortellinger»
Forslag til ulike økter
Under finn de forslag til undervisningsmateriell for 7. trinn. Øvingane er tilpassa alder og utviklingsnivå, samstundes veit me at det er store variasjonar innad i ei klasse, eller frå 7. klasse det eine året til 7. klasse eit anna år. Gjer difor dei justeringane du meiner er naudsynt for at oppgåvene skal passe klassa di.
