8. trinn
Tema: verdiar og val
Elevane skal utforske i kva grad verdiar påverkar vala dei tek i kvardagen, og korleis eigne og andre sine verdiar kan vere like eller ulike. I aktiviteten verdikryss får elevane utfordre eigne verdiar, personleg mot, og å tørre å vere seg sjølv. Det er og ulike dilemma som sett verdiar på prøve. Elevane skal og reflektere over kvifor det kan vere så vanskeleg å ta ulike val, konsekvensar av val og få øve seg på å ta val.
-
Kompetansemål etter 10. trinn
KRLE
Reflektere over korleis identitet, sjølvbilete og eigne grenser blir utvikla og utfordra i ulike fellesskap, og presentere forslag til korleis ein kan handtere påverknad og uønskte hendingar.
Utforske og drøfte etiske problemstillingar knytte til kvardagsliv og samfunn.
Samfunnsfag
Drøfte korleis framstillingar av fortida, hendingar og grupper har påverka og påverkar haldningane og handlingane til folk.
Gjere greie for årsaker til og konsekvensar av sentrale historiske og notidige konfliktar og reflektere over korleis ekstreme haldningar og handlingar kan førebyggjast.
Verdigrunnlaget i opplæringa
1.1 Menneskeverdet
1.2 Identitet og kulturelt mangfold
1.3 Kritisk tenkning og etisk bevissthet
1.4 Skaperglede, engasjement og utforskertrang
1.5 Respekt for naturen og miljøbevissthet
1.6 Demokrati og medvirkning
Desse verdiane er grunnmuren i verksemda til skolen. Dei må gjerast levande og få betydning for kvar enkelt elev i skolefellesskapen gjennom formidling av kunnskap og utvikling av haldningar og kompetanse. Verdiane skal prege korleis skolen og lærarane møter elevane og heimane. Eleven sitt beste skal alltid vere eit grunnleggjande omsyn. Det vil alltid vere spenningar mellom ulike interesser og syn. Lærarar må derfor bruke sitt profesjonelle skjønn slik at den enkelte blir best mogleg vareteken i møte med fellesskapen.
-
Overordna del i læreplanverket:
Skolen skal gi elevane moglegheit til å medverke og til å lære kva demokrati betyr i praksis. Skolen skal fremje demokratiske verdiar og haldningar som motvekt mot fordommar og diskriminering. Skolen skal òg skape respekt for at menneske er ulike, og at elevane skal lære å løyse konfliktar på ein fredeleg måte. Likeverd og likestilling er verdiar som er kjempa fram gjennom historia, og som framleis må takast vare på og styrkjast. Skolen skal formidle kunnskap og fremje haldningar som sikrar desse verdiane. Barn og unge skal handtere dagens og morgondagens utfordringar, og vår felles framtid er avhengig av at kommande generasjonar tek vare på kloden (Overordna del - verdiar og prinsipp for grunnopplæringa i læreplanverket.)
I nærmiljøet, i hverdagen vår, verner vi om verdiene våre ved å unngå å spre løgner, men å snakke sant. Å ta ansvar for egne feil og handlinger. Å bry seg og være greie med hverandre. Ved å ikke bare være opptatt av å beskytte oss selv, men ta vare på flere rundt oss
- Kong Harald, 8. mai 2025
Forslag til ulike økter
Under finn de forslag til undervisningsmateriell for 8. trinn. Øvingane er tilpassa alder og utviklingsnivå, samstundes veit me at det er store variasjonar innad i ei klasse, eller frå 8. klasse det eine året til 8. klasse eit anna år. Gjer difor dei justeringane du meiner er naudsynt for at oppgåvene skal passe klassa di.
-
Last ned undervisningsøkta her
Lærarrettleiing kjem seinare!
-
Last ned undervisningsøkta her
Lærarrettleiing kjem
-
-
