6. trinn
Tema: kropp
I undervisninga får elevane reflektere over kva kroppen fortel oss, kunnskap om korleis kroppen forandrer seg gjennom livet, om kroppsspråk, kva som skjer når puberteten startar og om pubertet og kjensler. Det er og undervisning om seksuelle overgrep og “grooming”. Her bør helsesjukepleiar vere til stades. Kva er samtykke og intimsone? Kvar går grensa? Kva er sex og kva er porno?
-
Etter 7. trinn
Mål knytt til folkehelse og livsmeistring i overordna del av læreplan
Gjennom video, refleksjonsoppgåver, diskusjonar og leik/aktivitet er målet med økta å bevisstgjere: «Verdival og betydninga av meining i livet, mellommenneskelege relasjonar, å kunne setje grenser og respektere andre sine, og å kunne handtere tankar, kjensler og relasjonar», knytt til Folkehelse og livsmeistring i overordna del av læreplan. Eit spesifikt mål for temaet om kropp og sjølvkjensle er at elevane skal bli meir bevisst på samanhengane mellom kropp, følelsar og erfaringar, og korleis ein kan akseptere og handtere endringar i pubertet/utvikling.
Samfunnsfag
reflektere over variasjonar i identitetar, seksuell orientering og kjønnsuttrykk, og eigne og andre sine grenser knytt til kjensler, kropp, kjønn og seksualitet, og drøfte kva ein kan gjere om grenser blir brotne
gje døme på kva lover, reglar og normer er, og kva funksjon dei har i samfunnet, og reflektere over konsekvensar av å bryta desse
utforske og beskrive eigne og andre sine perspektiv i etiske dilemma knytt til kvardags[1]og samfunnsutfordringar
Naturfag
gjere greie for fysiske og psykiske forandringar i puberteten og samtale om korleis dette kan påverke kjensler, handlingar og seksualitet
KRLE
utforske og beskrive eigne og andre sine perspektiv i etiske dilemma knytte til kvardags[1]og samfunnsutfordringar
Norsk
lytte til og vidareutvikle innspel frå andre og grunngi eigne standpunkt i samtalar
reflektere etisk over korleis eleven framstiller seg sjølv og andre i digitale medium
-
1 av 5 barn har opplevd vald heime, og 1 av 20 har blitt utsett for seksuelle overgrep frå ein vaksen. Halvparten av desse barna har aldri fortalt det til nokon.
Mange barn som opplever vald eller overgrep, seier ikkje ifrå og får ikkje hjelp. Det kan vere fordi dei ikkje veit at det er ulovleg, fordi dei ikkje veit korleis dei kan få hjelp, fordi dei trur det er deira eiga skuld eller dei er blitt skremt eller trua til å ikkje seie noko.
Vald og overgrep mot barn skjer oftare og nærare enn vi trur, og det har alvorlege konsekvensar. For å beskytte barn mot vald og overgrep, må barn få kunnskap.
Barn må få lære kva vald og overgrep er, dei må lære om kva som er lov og ikkje, at det aldri er barn si skuld, og korleis dei kan få hjelp om dei eller nokon dei kjenner opplever dette. Og dette må dei lære gjennom undervisning i barnehagen og i skulen (Redd barna).
«...»
Forslag til ulike økter
Under finn de forslag til undervisningsmateriell for 6. trinn. Øvingane er tilpassa alder og utviklingsnivå, samstundes veit me at det er store variasjonar innad i ei klasse, eller frå 6. klasse det eine året til 6. klasse eit anna år. Gjer difor dei justeringane du meiner er naudsynt for at oppgåvene skal passe klassa di.
-
Nok. Sogn og Fjordane har føljande råd til førebuing:
I tema kropp oppmodar vi dei tilsette om å øve seg på korleis ein snakkar med barna om kropp og kroppsdelar. Snakk med ein kollega, bruk orda. Grunnen til dette er at vaksne ofte kan synast det er vanskeleg å snakke med barn om dette tema. Vi ynskjer at barn skal få ei oppleving om at dette er noko som er naturleg som ein snakkar om. Då er det viktig at den tilsette følar seg trygg, er tydeleg og naturleg i samtale med elevane.
-
Timen handlar om seksuelle overgrep. Helsesjukepleiar bør vere tilgjengeleg for elevane under og i etterkant av timen. Det er lurt å vere to vaksne slik at de får med dykk ev. reaksjonar frå elevane. Informer elevane om at helsesjukepleiar er her (viss ho ikkje er med i timen). Tenk gjennom eigne reaksjonar og plan for oppfølging viss noko dukkar opp undervegs eller i etterkant av timen. Unngå å ha økta på ein fredag.
Førebuing: RVTS Vest- Trygg til handling
-
-
