8. trinn
Tema: kropp
Kva er skilnaden på sjølvbilde, sjølvtillit og sjølvfølelse? Kva kan den fantastiske kroppen vår gjere og oppleve? I undervisninga får elevane retta merksemda til dei positive sidene ved kroppen og kva den kan gjere.
-
Etter 10. trinn
Mål knytt til folkehelse og livsmeistring i overordna del av læreplan
Gjennom video, refleksjonsoppgåver, diskusjonar og leik/aktivitet er målet med økta å bevisstgjere: «Verdival og betydninga av meining i livet, mellommenneskelege relasjonar, å kunne setje grenser og respektere andre sine, og å kunne handtere tankar, kjensler og relasjonar», knytt til Folkehelse og livsmeistring i overordna del av læreplan.
Kroppsøving
reflektere over korleis ulike framstillingar av kropp i media og samfunnet påverkar bevegelsesaktivitet, kroppsidentitet og sjølvbilete.
Samfunnsfag
reflektere over korleis identitet, sjølvbilete og eigne grenser blir utvikla og utfordra i ulike fellesskap, og presentere forslag til korleis ein kan handtere påverknad og uønskte hendingar.
vurdere på kva måtar ulike kjelder gir informasjon om eit samfunnsfagleg tema, og reflektere over korleis algoritmar, einsretta kjelder eller mangel på kjelder kan prege forståinga vår.
-
Høgt fokus på sjølvpresentasjon på sosiale media vert knytt til dårlegare psykisk helse. Ungdomsskuleelevar som fokuserer mykje på korleis dei framstår i sosiale media, har dårlegare psykisk helse og trivsel. Det viser ei studie frå FHI i samarbeid med Universitetet i Bergen. Samanhengane er spesielt sterke hjå jenter. Jenter med eit høgt fokus har omtrent to gonger så stor sjanse for å oppleve dårlegare psykisk velvere samanlikna med dei som har mindre fokus. Moglege tiltak bør rette seg mot bevisstgjering og auka kunnskap om korleis sosiale media på ulike måter kan påverke psykisk helse negativt, til dømes gjennom mekanismar som sjølvpresentasjon og sosial samanlinkning.
Les meir om studie her: https://www.fhi.no/nyheter/2025/hoyt-fokus-pa-selvpresentasjon-pa-sosiale-medier-knyttes-til-darligere-psykisk-helse/
1 av 5 barn har opplevd vald heime, og 1 av 20 har blitt utsett for seksuelle overgrep frå ein vaksen. Halvparten av desse barna har aldri fortalt det til nokon.
Mange barn som opplever vald eller overgrep, seier ikkje ifrå og får ikkje hjelp. Det kan vere fordi dei ikkje veit at det er ulovleg, fordi dei ikkje veit korleis dei kan få hjelp, fordi dei trur det er deira eiga skuld eller dei er blitt skremt eller trua til å ikkje seie noko.
Vald og overgrep mot barn skjer oftare og nærare enn vi trur, og det har alvorlege konsekvensar. For å beskytte barn mot vald og overgrep, må barn få kunnskap.
Barn må få lære kva vald og overgrep er, dei må lære om kva som er lov og ikkje, at det aldri er barn si skuld, og korleis dei kan få hjelp om dei eller nokon dei kjenner opplever dette. Og dette må dei lære gjennom undervisning i barnehagen og i skulen (Redd barna).
«Jeg syntes ikke det burde være opp til
eleven til å stille spørsmålene, det er
mye vi ikke vet om og det er vanskelig
å forbli anonym i disse situasjonene,
jeg syntes at underviseren burde vite
hva som er viktig å kunne så det ikke er
ujevn opplæring. »
Forslag til ulike økter
Under finn de forslag til undervisningsmateriell for 8. trinn. Øvingane er tilpassa alder og utviklingsnivå, samstundes veit me at det er store variasjonar innad i ei klasse, eller frå 8. klasse det eine året til 8. klasse eit anna år. Gjer difor dei justeringane du meiner er naudsynt for at oppgåvene skal passe klassa di.
